كتب بواسطة Hatem فى تاريخ July 24th, 2009
طريقة عمل كبده اسكندراني سهله جدا
المقادير
نصف كيلو كبده مقطعه رفيعه وصغيره / راس ثوم متوسطه / فلفل اخضر كتير / ملح وكمون / خل / 3 ليمونات .
الطريقه
نغسل الكبده كويس تحت الحنفيه وتكون في مصفه علشان تتصفي من الميه بعد كده نعصر عليها ليمونه وشويه خل ونقلبها ونسبها شويه بعد كده نقشر الثوم نحطه في الهون مع قرنين فلفل وملح والكمون <بلاش فلفل اسود> وندق كويس بعد كده نغسل الكبده تاني ونصفيها من الميه كويس وناخد مقدار ثلاث ارباع الدقه ونحطها علي الكبده ونقلبها كويس بعد كده نحط طاسه كبيره علي النار وفيها مقدار زيت معقول نسخن الزيت بس مش قوي وبعد كده نقطع فلفل اخضر ونحطه في الزيت ونقلب لمدة 3 دقائق وبعد كده نحط باقي الدقه مع الفلفل في الزيت ونقلب تقليبتين وبعد كده نحط الكبده بالدقه اللي عليها طبعا ونسبها علي نار متوسطه مع التقليب بعد كده لما تكون قربت تستوي نعصر عليها ليمونتين وشويه خل و نقلب ونظبط ملحها
كتب بواسطة Hatem فى تاريخ July 23rd, 2009
المقادير:
كيلو كبدة مقطعة شرائح رفيعة
ثوم
البهارات: شطه ( فلفل حر ) , كمون , كزبره ناشفة
فلفل حامي او فلفل رومي (بارد )
3 ملعقة كبيرة خل
عصير ليمونة
الطريقة:
- تبلي الكبدة بالثوم و البهارات و الخل و الملح , و دعيها مدة يوم كامل في التتبيلة .
- نضع زيت على النار حتى يسخن ثم نسقط فيه الكبدة ونقلب و ستظهر فورا الرائحة الطيبة .
- نخفض الحرارة بعد أن يتغير لون الكبدة و نضيف حلقات الفلفل الأخضر ليكمل نضجه مع الكبدة و نغطيها و نتركها ربع ساعة و لا داعي لإضافة الماء .
- بعد ذلك نرفع الغطاء و نقلب جيدا حتى تتشرب مائها و تتحمر فى زيتها .
- توضع فى طبق التقديم وترش بعصير الليمون (الليمون ضرورى للمذاق المميز للكبدة الإسكندرانى ) .
- قدميها ساخنة مع الخبز و سلطة الطحينة و السلطة الخضراء والبطاطس المحمرة .
- يمكن اضافة حبة بصل وسط جوانح و حبتان طماطم مقشرة و مقطعة شرائح لتقلية الكبدة و الفلفل .
” أفكار الشيف ”
- بعد نقع الكبدة المقطعة مكعبات بخليط التتبيلة , ممكن غمسها فى الدقيق ثم البيض ثم البقسماط و قليها بالزيت الغزير و تقديمها كنوع ثاني اسمه ” الكبدة البانيه “.
أخر التعليقات